Convocatoria en qom a la jornada del 14

Habrá manifestaciones en varios puntos del país.

Versión en español.

Convocatoria de comunidades qom y Moqoit NQOYENATAXANAGAC

Qaraponaxac l´taaraic, ca na’ac lunes 06 ca´agoxoic junio sesoxonactac nam qarhuopi, qompi moqoit´pi encauce na qarhuopi l´ma nam l´chaco ra senoxonauec cam lunes 14, nachena nam ca´axoic junio. Saoqtaique ra huo cam, itchiguie nhuaxanagec cam lasoxohuashet ra nachalataxac yem qarhuole´ec JOSE LAGO qac nataqaen som saq saiamagarenac laqtaxanagec som ilotege´e Anam argentina lotanagec nam qom.
Qa´ampi qataq y´iallerppi qananelerec yem paguiñe na nerec

Na nhuo qom nataq Moqoit neraña man napa´lpi (chaco) inqoyegenaqtega ram huo cam cal´raxac enahuac nam qarhuo qom qeeca n´daxac ishet ra enahauac Anam argentina qanqaen qe´eca lunes 14 chaaye saotaique ram huo cam itchiguiñe nhuanagec cam lasoxohuashet ram l´lehuaxaa yem qarhuo le´ec Josué lago qomle´ec 23 vi´iyel ram nachalataqol lasohuaaxactanagec nam lamaxashecpi huataxanacpi ñe JORGE CAPITANICH huaña yem san Martin
Qatac nhuetaxanactaic ra nalatagec som leí qarhuo Qompí. Sahuoqtaique ñe´egenxasop re´era nalatagec ye qarhuole´ec huetoigui nahua 2 tresolqa na´aq re´era ltaxaiagaq lotaxanaqtayc na qom som nataxala lta´ari´ic ALVERTO FERNDEZ maye chemqot ram enahuaq nam nagui netalec ana´ana argentina cheqatege ram alhua l´lla; ipotapegelec ram shenacta qataq maiche qaralamxat lataxaco.

Qooye ihuen ram llaponaxaa nache qolqot ra senoxonagahuec enahuac nam shiaxahuapi mayee lma na argentina chaayee enahuac nam nataxalapi ltaaraicpi, iataqta naacheenam so uahuñepi somayepi rhuotaxarec nam qarmaatel lhual, qomi ilaralhuec nam qarma´atel qomi imengeta ra salchonatanaxagaa nam huatanaqpi, qaica ca nootaq ltaraic ra qarhuenaxagaa qaltac nachoyic, nqohuaxa ra l´lla qomi qaicoñerget ra saq ishet ram senonaxahua ra pagenac yoochigui´i qatac ra noon nqalaxaa, naiamaxate man lahiotaxapi nam neraigui lashehué nam lamaxat na qarma resaltapigui´i na menaxanagaiqa lta´al, qac nata´qaen nache qomi ipaxarahuc saq qomí iasherhualo nam qaralamaxat netaxat. Enachaget lunes 14 saxaugalo man qaicol enahuaq nam qarhuo qom intaunaxaa sotac qanqaen ca naigui ram qolaqtegehua qanaiamaxataxac, ñaq qanaxaiana ram huo ra qarquihiatiiaxac. Qaltac enahuac nam qarhuopi. Qatac iapac saq saimaxarenac ram lenaxanaxac qatac ra lotaxanaxac nam ramasoxotacpi maye ilotege na argentina. Cha’aye iquiyoqtaget nam qarhuo qompi siqui´iaqaique qam itchiguie lataxac ra qaiasateget nam siaxanaqtaiquepi ra nale´ena chegoqtage nam qarhuo.

Margarita Lázaro, Pampa del Indio, Cuarta Legua 17
Carlos Gómez, Pampa del Indio, Campo Alemani
Ángel Mesa, El Espinillo
Héctor Gómez, Resistencia, Barrio Toba
Angela Gomez, Resistencia, Barrio Aromito
Sonia Alegre, Puerto Tirol, Barrio Takai
Yuliana Castillo, Puerto Tirol
Flavia Cubilla, Sáenz Peña, Barrio Toba
Liliana López, Sáenz Peña, Barrio Nala, 100 Viviendas
Cristian Cubilla, Sáenz Peña, Barrio Toba
Bruna Temay, Sáenz Peña, Barrio Toba
Elsa Sanchez, Sáenz Peña, Barrio Nala, 100 Viviendas
Graciela Aranda, Juan José Castelli